April 24, 2003 - p.m.嚙瑾
嚙瑾
假如死了
April 24, 2003
假如死了
尋晚本來打算返教會果個祈禱會，點知無端端唔舒服。係呀！又病喇！好似二月果次咁：好頭暈、好想嘔同真係嘔水嘔咁。
聽落去，你可能會覺得呢Ｄ只係小毛病，無乜事，但如果間唔中就係咁，會辛苦到郁唔倒，醫生又話唔倒俾你乜事，咁你會覺得點？
不過今次總比上次好，起碼唔駛我全日訓o係張床度；暈一輪之後，有時會有Ｄ時間覺得舒服少少，可以講下野，睇下電視咁。
今次呢篇日記其實都係首先錄音，待我病癒後才再筆錄在紙的。
###
尋晚發左一個惡夢��我發夢自己就黎死！我同Daddy去睇醫生，醫生話我喉嚨有事，得翻兩日命。
印象中我沒有哭。我o係ICQ度通知左一Ｄ較熟落既朋友；在最後一次開ICQ時，我將我ICQ個Nickname改做Steph's leaving；跟住我又打電話俾一Ｄ朋友，約往佢地o係醫院見面。本來我唔想話俾佢地聽我就黎死，但如果唔講明，人可能約唔齊人，所以最終都係講左。
你知道嗎？原來就黎死既感覺係好可怕架！好唔捨得��唔捨得身邊既親人同朋友；亦都覺得好徬徨，因為唔知道死後會係點。不過我記得o係夢中我都有同一Ｄ朋友講：「我地遲Ｄ會o係天堂度見面！」
雖然呢個夢好可怕，但誌諗落其實有賺。起碼我唔駛到真係就黎死果刻先知道臨死既感覺呢！
發Ｄ咁既夢，唔知係咪因為睡前睇「Beautiful Life」。
尋晚，我本來12點鐘就訓左，但唔知點解凌晨三點醒鬼左。醒左之後個人都係唔係好舒服，訓唔翻，所以咪睇埋之前睇開果套日劇囉！