May 8, 2003 - p.m.�@
�@
公仔麵不再微波爐
公仔麵不再微波爐
心情很好
最近愛上了烹飪。哈！其實不算是甚麼「愛上」，只是對煮野食既興趣大了。
記得細個果陣時，好鍾意同細佬o係屋企煮公仔麵加罐頭湯做晏。我會用ｄ碟黎裝ｄ麵同埋忌廉湯，扮晒係o係餐廳食咁，好鬼低能！果陣時，我其實都幾鍾意煮野食：媽咪教左我煮雞蛋炒飯之後，我成日都會煮野黎食；有次去餐廳食西多士，媽咪話西多士好容易整，當時我好興奮,估唔到自己都可以整到ｄ似乎淨係o係餐廳先食到既野，所以我後來返屋企又試下整。
不過黎Canada讀書之後，唔知點解就越黎越懶去煮野食。我變得淨係會食ｄ唔駛煮既野，例如：麵飽，餅，連煮公仔麵我都會覺得麻煩。所以在有滾水o係暖壺既時候，我會加ｄ滾水落個麵度，再用微波爐整熟佢。
直至最近，唔知痴左邊條筋，忽然想學下煮野食呢！可能因為我唔想自己成日得把口，淨係識得話俾人聽：「我其實識煮野，以前家政堂煮過ｄ乜乜乜，只不過我唔煮咋嘛！」Hee... 我唔想俾「煮野食」難倒我！！
尋日係細佬生日，佢今日同女朋友黎左Toronto，打算玩幾日。我見佢咁耐無返HK，好耐冇食過屋企野，所以煮左四個菜一個湯。有冬菇炆豬肉，"九"菜煎蛋，沙茶牛肉粉絲煲同紹菜臘肉。前兩味菜都係Daddy成日煮既！至於個湯亦係以前成日o係屋企飲到，「青紅蘿蔔豬骨湯」，哈！我同細佬既至愛！！！
不過細佬好衰咁嫌三嫌四，其實除左個粉絲煲失左少少手之外，其他野都唔錯丫！